عرب عرب عرب عرب

موضوع: عرب عرب عرب عرب الأحد فبراير 03, 2008 8:51 am

أكيد ما عم غني ولا عم اعزمكن على رقصة اليوم جاي على بالي إحكي على العلاقات الإجتماعية الي بتربط الشعوب العربية والإسلامية ببعضها

!!!مواطن عربي رايح سياحة أو عمل على دولة عربية أو إسلامية تانية .. والمسكين راسم بخياله إنو رح ياخدوه بالإحضان أشقاء هدول

المهم يا أصدقاء شو النتيجة غربة ولا على البال وخيبة أمل كبيرة يا ترى شو السبب ؟؟

!!! وشو الي وصلنا لهون اسم الشقيق ماعاد يعني الشقيق إسم ليس على مسمى

عدونا الأول الشقيق هذا ما بات عليه الحال ما السبب وكيف وصل بنا الحال إلى هذا الموصل ؟؟؟

لابد من جواب هل لدا أحدكم الجواب ؟؟

أرجوا الإفائدة ولكم جزيل الشكر

بإنتظار الجواب

مع كل الود

يا سيدي مو كل بلد بيتشابه شعبو لبعض
بالعكس لانو الناس كلها و تفكيرها
في ناس لما بتشوف الاجنبي عم تحاول تستهزء منو و تتمسخر و تستغل عدم معرفتو بالبلد بصفة عامة لايطاح به
و هذا النوع للأسف يأخذ نسبة كبيرة بين الشعب
و يحاولون الاطاحة بالغريب لانه غريب و لاينتمي اليهم
رغم العروبة التي تجمعهم و رغم الاسلام الذي يصلح بينهم
لماذا؟؟
لأنو و بكل بساطة هذه الفئة تفتقد اولا للاحترام
و لانو ما كبر يوما في الخير
و لا يوما عرف يساعد انسان
او لانو عامل دايما حكمته السيئة بدماغو و هي
حالي يا حالي
و لانو شايف في هذا الاجنبي كإنو بيتدخل في حياتو
او بيشارك في اشياء ما الو علاقة فيها
او لانو شايف انو هالاجنبي مسكين مغلوب عليه و جاي بيدور على لقمة حلال
و صار بيستغلو و بيقول انو هاي ليس الا شحاذا بالمقارنة اليه
هاذ اللي انا يا اصحابي اللي جاي على بالي
لاني اصلا بيغيب عني الداعي لفعلهم هالشي
و لاني بشوفهم مثلنا تماما ما في مغير
نفس الملامح و نفس الديانة
و طريقة التفكير
كل شيء زي بعض

اما الفئة المسكينة القليلة التي ترحب بالاجنبي لانها بتوضع حالها مكانو
فهي بالكاد تصل الى 25 بالمئة من اللي انانيين و عنصريين
انا بطبعي و بطبع عائلتي بنحب نكرم الغريب
و نرحب بالضيف لانو بالاخر كلنا بنسافر برا البلد
و ما بنعرف امتى رح ييجي اليوم اللي رح تكون فيه وحيد ببلد ما بتعرف فيه حدا
و ربنا رح يعوض عليك فكما عاملت الناس ستعامل
و بالاخر كلنا اخوة في الدين
و اكرام الغريب و استضافة الضيف من مكارم الاخلاق

لكن للأسف يوما بعد يوما نجد الحال تتغير و تمشي الدنيا على ما لا نشتهيه
و تغذو الناس مثل الذئاب
خائفة من لا شيء
و صار العالم بيمشي بالمقلوب
يرحب بالذي سيؤذيه
و ينهر المسكين الذي لا رغبة لديه غير المساعدة

و بلدي هو الذي سأشهد على ما رأيته فيه
من نكران لاخوانهم العرب مو الكل البعض منهم
و كذا باخوانهم الافارقة المسلمين التي صاروا
مغضزب عليهم في بلد كانوا يرسمون له احلاما زاهرة
فلا السوريين و لا المصريين و لا النيجيريين و لا الساحل العاج
نعمو بهدا البلد او رأول ما رسموه في مخيلتهم

لكن الاقدار ترمي بهم على ايادي مذلة
و تبعدهم على ناس تمنوا ان يحضنوهم و يحسسونهم انهم فعلا مازالو ببلادهم

لكن كل شيء بالاخر للقدر

تقبل مروري اخي
و هاذ هو رأيي
اختك ناني
:11:

السلام عليكم ورحمة الله وبركاته

مبروك على المنتدى وأنا سعيدة كتير بأول موضوع نقاش رح شارك فيه معكن وأنا بعرف إني عم أتعامل مع نخبة أعضاء المنتديات العربية

بالنسبة لحديثك أخي الملهم العرب عرب عرب عرب عرب اللي رح نضل عرب وما نتغير للأحسن إلا بعد جهد خارق
أول شي بحب قول كتعليق على كلمة شقيق فهي الكلمة مو بس من بلد لبلد عم تزول إنما حتى بالبيت نفسو عم تلاقي كل أخ بجهة وما بيعرف من أخوه غير أنو هاد الشب هو أخوه من أمو وأبوه ومسجل بالسجلات المدنية

أما بالنسبة كالموضوع اللي عم تناقشو فالسبب حسب ما بعتقد أنو نحنا عنا متل انبهار بالشخص الاجنبي إذا إجا على بلدنا كأنو هالشخص ( اللي يعتبر مواصفاتو قياسية) ممكن نصير متلو وأحسن بتشغيل عقلنا محل ما لازم يشتغل
أما الشخص العربي فالمصلحة هي العلاقة السادة يعني هالشخص الغريب العربي لو حامل مشروع استثمار بتلاقي الشخص حط أهلو بالشارع وحط الضيف عراسو بس بما انو مافي مصلحة فشو الو فيه
والأكيد أنو هاد نتيجة سوء بالتربية من البيت يعني إكرام الضيف واجب يعني حدا العرب القدماء أجدادنا اللي منحكي عنن بس بالتلفزيون وما منطبق شي من أخلاقن بس إجاهن ضيف ولو لطلب صغير مابصير يطلع قبل 3 تيام مع ضيافة سوبر ديلوكس

بس يا خسارة لو منرجع لأجدادنا بأخلاقنا متل ما كنا أصلا لما كنا نزلنا لمستوى دول العالم الثالث

وآسفة للإطالة

مع فائق احترامي وتقديري

شهرزاد

كلامك صح مية بالمية وما عليه غبار .. هاد هوي الحال والأسباب الي ذكرتيها أسباب واقعية

المال والكبر طغوا على الإخوة والدين

الرجاء أن يغير الله أحوالنا هذه

ويبدلنا خيراً منها ... إنه القادر على كل شيء .. فالرحمة التي نزعت من قلوبنا هو من يعيدها بقدرته

كل الشكر لك على المداخلة

والسلام عليكم ورحمة الله تعالى وبركاته

Barbie كتب:: السلام عليكم ورحمة الله وبركاته

مبروك على المنتدى وأنا سعيدة كتير بأول موضوع نقاش رح شارك فيه معكن وأنا بعرف إني عم أتعامل مع نخبة أعضاء المنتديات العربية

بالنسبة لحديثك أخي الملهم العرب عرب عرب عرب عرب اللي رح نضل عرب وما نتغير للأحسن إلا بعد جهد خارق
أول شي بحب قول كتعليق على كلمة شقيق فهي الكلمة مو بس من بلد لبلد عم تزول إنما حتى بالبيت نفسو عم تلاقي كل أخ بجهة وما بيعرف من أخوه غير أنو هاد الشب هو أخوه من أمو وأبوه ومسجل بالسجلات المدنية

أما بالنسبة كالموضوع اللي عم تناقشو فالسبب حسب ما بعتقد أنو نحنا عنا متل انبهار بالشخص الاجنبي إذا إجا على بلدنا كأنو هالشخص ( اللي يعتبر مواصفاتو قياسية) ممكن نصير متلو وأحسن بتشغيل عقلنا محل ما لازم يشتغل
أما الشخص العربي فالمصلحة هي العلاقة السادة يعني هالشخص الغريب العربي لو حامل مشروع استثمار بتلاقي الشخص حط أهلو بالشارع وحط الضيف عراسو بس بما انو مافي مصلحة فشو الو فيه
والأكيد أنو هاد نتيجة سوء بالتربية من البيت يعني إكرام الضيف واجب يعني حدا العرب القدماء أجدادنا اللي منحكي عنن بس بالتلفزيون وما منطبق شي من أخلاقن بس إجاهن ضيف ولو لطلب صغير مابصير يطلع قبل 3 تيام مع ضيافة سوبر ديلوكس

بس يا خسارة لو منرجع لأجدادنا بأخلاقنا متل ما كنا أصلا لما كنا نزلنا لمستوى دول العالم الثالث

وآسفة للإطالة

مع فائق احترامي وتقديري

صدقت .. المصلحة هي التي تحرك الكثير أما رابط الدم والعروبة والدين فهاد شي أكل الزمان عليه وشرب

نستطيع أن نقول : فقدنا أخلاقنا الأصيلة ..

إنما الأمم الأخلاق ما بقيت *** فإن هم ذهبت أخلاقهم ذهبوا

كل الشكر لك على المداخلة

وأغبط نفسي حقيقة على وجودك بيننا ..

وأنت بدون مجاملة .. صفوة النخبة

كل التحية لك

وكل الود